Kultuvre

Kultur

Kultuvrereereme dåarjoem ovmessie öörnijidie vadta, v.g. siebride, festivalidie jïh prosjektidie. Reeremen dïedte lea kultuvredarjomh maanide jïh noeride, kultuvre voeresidie jïh tjiehpiesdaajhtomem jïh Upmeje staaren gærjagåetieh jïh gærjabussem.

Gærjagåetie (Bibliotek)

Upmejen åålmehgærjagåetieh leah staarengærjagåetieh, jeenjebh filijalegærjagåetie jïh gærjabusse. Åesehts gærjah, musihkem, filmem, tjoejegærjam jallh jeatjah medijh löönedh. Vuesiehtimmie jeatjah faalaldahkh lea avijsh, plaerieh, maahtoegærjah, siebredahkenbïevnesh, datovrh databaasijgujmie jïh internedtem. Dah gærjagåetieh leah aaj gaavnedimmiesijjieh mah leah rihpes gaajhkide.

Jeenebh gærjagåetine iedtjeles vuesiehtimmieh jïh öörnemh öörnieh, daamtaj ovmessie siebriej jïh åårganisasjovnij ektine. Maanide vaajesboelhkh jïh vuesiehtimmieh maanide öörnieh. Gærjagåetien bïevneshsæjjan bieljeldh jis datne sïjhth meatan årrodh jïh vuesiehtimmiem jallh öörnemem öörnedh.

Gærjagåetie faalaldahkem almetjidie giej lea sjïere daarpoeh faala. Desnie g.j. tjoejegærjah, aelkieslohkeme gærjah jïh gærjah stoerre bokstavijgujmie. Dejtie gieh eah maehtieh gærjagåatan båetedh faala gåetiefaalaldahkh.

Upmejen åålmehgærjagåetie ektine dah gærjagåetieh Bjurholmesne, Nordmalingesne, Robertforsesne, Vindeln´sne jïh Vännäsesne barka. Maahtah löönedh, bååstide vedtedh jïh gærjagåetien faalaldahkh nuhtjedh abpe Upmejedajvesne. Dah gærjagåetiej lea aaj ektine gåetiesæjroe, www.minabibliotek.se External link, opens in new window., jeenebh e-faalaldahkijgujmie.

Kultuvrejarnge maanide jïh noeride (Kulturcentrum för barn och unga)

Kultuvrejarnge Upmejen maanajkultuvrem evtiede jïh dåarjode. Dah faalah g.j. viermiem gusnie dåarjoe jïh ektiebarkoe abpe maanajkultuvredajvesne, kultuvrepedagogihken jåarhkeööhpehtimmiem lohkehtæjjide jïh jeatjidie gieh maanah jïh noerh barkosne gaavnedieh jïh kultuvreprogrammem åvteskuvlide jïh skuvlide jïh aaj byjjes maana- jïh fuelhkievuesiehtimmieh.

Kultuvrepedagogihkijh kultuvrepedagogihken prosjekth skuvlesne faelieh jïh aaj ööhpehtimmie jïh viehkiem barkejidie gieh sïjhtieh tjiehpiesdaajhtomem maanide jïh noerde barkedh. Teaterebovren dramatjïerth maanide jïh noeride mej leah luhkien jaepien raejeste luhkieuktsien jaepien raajan lea stoerre bielem dej barkoste.

Aalkuvisnie fïerhten tjaktje jïh gïjre dellie programme maana- jïh fuelhkievuesiehtimmiejgujmie buakta, v.g. teater, musihke jïh daansoe. Dah vuesiehtimmieh daamtaj maanasåajtose aarkbiejjien biejjegen vuesehte jïh ååmegasse laavvadahken jïh aejlegen. Såemies vuesiehtimmieh golmen jaepien raejeste sjiehteles jïh jeatjah dejtie båarasåbpoe maanide. Sjïere kultuvrefaalaldahke Upmeje tjïelten maadthskuvlelearohkidie faala.