Dåarjoe jïh såjhtoe voeresidie

Stöd och omsorg för äldre

Datne gie voerese maahtah viehkiem sosiaaletjeanadæmman ohtsedidh. Gosse viehkiem ohtsedh dellie sosiaaletjeanadimmie sjïere pryövemem dorje jïh nænnoste jis dov lea reakta viehkiem jallh ij. Datne maahtah dååpmestovlese laejhtedh jis dåarjoem ohtsedih jïh idtji dam åadtjoeh.

Jis gåetesne årroeh maahtah daarpoepryövemen mænngan gåetietjeanadimmie åadtjodh. Gåetietjeanadimmie maahta voestes iereste datnem viehkine årrodh persovnijen såjhtoe. Maahta årrodh byömedidh jïh jovkedh, gåårvedidh jallh bissedidh. Aaj maahtah åadtjoeh faalaldahkh maam datne jearsoes gåetesne damtedh. Maahta v.g. larmem juktie datne dallegh maahtah viehkiem åadtjodh jis daarpesjh. Jis datnem lihkemes fuelhkieh sujhtieh maahta dïhte dåarjoem åadtjodh jallh giem akt båata jis dïhte ij maehtieh dov luvnie årrodh. Maahtah biejjiedarjomh ohtsedidh juktie aelhkebe gåetesne årrodh. Maahtah aaj ohtsedidh jis boelhketjeårromesijjiem daarpesjh. Datne gie jeenje såjhtoem daarpesjh jïh dutnjien geerve gåetesne årroeh maahtah årromesijjie sjïere årromesæjjan åadtjodh. Maahta hoksehtimmiegåetesne, tjïerteårromesijjesne jallh skiemtjehïejmesne årrodh.

Sosiaaletjeanadimmie aaj dåarjoem faala maam ij daarpoepryöveme lea. V.g. bïjre jarkan Upmejisnie gaavnedimmiesijjieh mah leah sijjieh gusnie voeresh båetieh jïh boelhketjem gaavnedieh.