Barkoe maanide jïh noeride

Insatser för barn och ungdomar

Sosiaaletjeanadimmien tjïrrh maehtieh maanah, noerh jallh eejtegh dåarjoem åadtjodh ov-messie vuekiejgujmie v.g. ööhpehtæmman, soptsestallemasse jïh raeriestæmman. Maahta aaj tjarkebe barkedh dejgujmie giej lea stuerebe daarpoeh. Sosiaaletjeanadimmien lea minngemes dïedtem juktie maana dåarjoem jïh vaarjelimmiem åådtje. Gosse sosiaaletjeanadimmie aamhtesem goerehte edtja maam maanese bööremes stuvredh jïh maanan jijtse vuajnoem aaj krööhkeste. Sosiaalebarkije edtja maanam soptsestalledh, goerehte maam maana sæjhta jïh asth goltelidh maam maana sæjhta soptsestidh. Sosiaalebarkije destie nænnoeste maam bööremes maanese dovne åenehks jïh guhkiem tïjjen. Maana ij gåessegh edtja damtedh dïhte tjuara geerve veeljemem vaeltedh.

Eejtegh maehtieh viehkiem åadtjodh

Maahta geerve årrodh tjidtjie jallh aehtjie årrodh. Dan gaavhtan maahtah datne goh eejhtegh dåarjoem jïh viehkiem sosiaaletjeanadimmeste åadtjodh.

Sosiaaletjeanadæmman soptseste jis maana viehkiem daarpesje

Sosiaaletjeanadimmie edtja dåarjoem jïh vaarjelimmiem öörnedh maanide jïh noeride giejtie geerve sjïdtieh. Dan gaavhtan tjuara sosiaaletjeanadimmie åådtje daejredh giem viehkiem daarpesje. Sosiaaletjeanadimmielaakesne tjåådtje gaajhkh geerve almetjh byöroeh sosiaaletjeanadæmman bieljeldieh jis dah suvmieh maanam viehkiem daarpesje. Ih daarpesjh dov nommem jiehtedh jis bieljeldh. Gaajhkh gieh maanajgujmie jïh noerijgujmie berkieh tjuerieh sosiaaletjeadadæmman bieljedidh jis dah suvmieh maanam viehkiem daarpesje.